RISE Fluguveiðihátíð

RISE Fluguveiðihátíð og Veiðivörusýning í Háskólabíói tókst mjög vel að mínu mati. Fjöldi gesta á kvikmyndasýningunni var milli 600 og 700 og aðrir gestir örugglega 200 eða fleiri. Það má því segja að nálægt 900 manns hafi lagt leið sína í Háskólabíó þann 26.mars. Við hjá JOAKIM´S ehf erum mjög sáttir við okkar hlut í þessu og fengum margar heimsóknir á básinn okkar. Margir komu til að hrósa stöngum sem þeir eiga og höfðu notað með góðum árangri í mörg ár. Aðrir voru að skoða stangir, hjól, línur og fleira. Við lítum björtum augum til vorsins og erum vissir um að viðskiptavinum okkar mun fjölga talsvert á næstunni. Við þökkum góðar viðtökur. Jón Viðar og Júlli.